Ons leef in die sogenaamde verligte tydperk, waar die mens dink hy weet alles. Kyk net na die tegnologie: ons is voortdurend gekonnekteer, en binne sekondes hoor ons van gebeure wêreldwyd. Ja, selfs Covid is “oorwin” deur kennis en tegnologie. Wil jy iets weet? Google dit.

EN NOU IS DAAR CHATGPT. EK KAN SELF MY EIE EVANGELIE SKRYF. NO WORRIES, MATE …

Maar is dit werklik so? Weet ons alles?

Of kan dit wees dat ons meer mislei word as ooit tevore? Ja — die misleiding is groter as ooit. Selfs AI-deskundiges erken: dit raak al hoe moeiliker om waarheid van leuen te onderskei. Valse nuus word daagliks gegenereer.

Kan dit wees dat die moderne mens makliker as ooit tevore verlore kan wees?
Ja, dit is so!

Die Skepper

Is daar ’n Skepper? Ja. Elke mens weet dit diep binne. Google hoef my nie te leer nie. Die Skepper het dit in my hart geplaas — daardie leemte en verlange na Hom.

Ons sien Hom in die natuur en selfs in onsself.

Die doel van die skepping? Die mens. En die doel van die mens? Om die Skepper te verheerlik.

“Die aarde behoort aan die HERE en die volheid daarvan, die wêreld en die wat daarin woon; want Hy het dit gegrond op die seë en dit vasgestel op die strome.” — Psalm 24

“…dat die mens nie van brood alleen lewe nie, maar van elke woord wat uit die mond van die HERE uitgaan.” — Deut. 8:3

God het sy skepsel egter ’n keuse gegee — om Hom te soek of nie. En hierin lê sowel die probleem as die oplossing.

Die Mens

Die mens het gekies — en verkeerd gekies. Adam se sonde het die hele mensdom besmet.

“Kyk, in ongeregtigheid is ek gebore, en in sonde het my moeder my ontvang.” — Psalm 51:7

Ons word in sonde gebore en mis ons doel: om in afhanklikheid van God se Woord en voorsiening te leef.

Maar sonde verblind ons só, dat ons dit nie eers raaksien nie. As jy mense vra: “Glo jy jy is ’n slegte persoon?” Sal die meeste antwoord: Nee.

Maar wat sê God?

Sonde

Sonde is die kernprobleem. Dit staan tussen God en die mens.

Dink hieraan:

• Het jy al gelieg? Dan is jy ’n leuenaar.
• Het jy al gesteel? Een keer is genoeg om ’n dief te wees.
• Het jy na iemand met begeerte gekyk? Dan is jy volgens Jesus reeds ’n egbreker.

“Maar Ek sê vir julle dat elkeen wat na ’n vrou kyk om haar te begeer, reeds in sy hart met haar egbreek gepleeg het.” — Matt. 5:28

“Egbrekers en egbreeksters, weet julle nie dat vriendskap met die wêreld vyandskap teen God is nie? Wie dan ’n vriend van die wêreld wil wees, word ’n vyand van God.” — Jak. 4:4

Sonde het die skeiding veroorsaak.

En daarom het ons ’n Middelaar nodig — Iemand wat ons met die Skepper kan versoen.

Die Oplossing

Is daar hoop? Ja! Die oplossing is die Evangelie.

Jou Keuse Vandag

Jy het nou gehoor: elke mens is ’n sondaar en afgesny van God. Sonder Christus is jy verlore. Jy kan nie self jou pad terugvind nie.

Maar God roep jou vandag. Hy bied vir jou sy Seun, Jesus Christus, as Middelaar en Redder.

Die vraag is: Gaan jy aanhou om weg te kyk en jou eie pad te loop, of gaan jy jou knie buig en Hom aanneem?

“Want elkeen wat die Naam van die Here aanroep, sal gered word.” — Rom. 10:13

👉 Moenie uitstel nie. Kies vandag die lewe. Kies Christus.

Die grootste wonder ooit. Dat Jesus sondaars kan en wil red. Geestelike redding. Dit is die evangelie.
Wat beteken dit vir ons?

Ons is almal verlore

Ons almal is in sonde ontvang en gebore

want almal het gesondig en dit ontbreek hulle aan die heerlikheid van God,
— Rom 3:23
As ons sê dat ons geen sonde het nie, mislei ons onsself en die waarheid is nie in ons nie.
— 1Joh 1:8

Die uiteindelike gevolg van sonde is die dood (hier beteken dit die hel)

Want die loon van die sonde is die dood,
— Rom 6:23

Maar daar is hoop - die Evangelie

Christus betaal die prys (“God se vereiste is bloed”) vir ons sonde, aan die wat Hom aangeneem het as Verlosser.

Broeders, ek maak julle die evangelie bekend wat ek aan julle verkondig het, wat julle ook aangeneem het, waarin julle ook staan, waardeur julle ook gered word as julle daaraan vashou op die wyse waarop ek dit aan julle verkondig het, of julle moet tevergeefs geglo het. Want in die eerste plek het ek aan julle oorgelewer wat ek ook ontvang het, dat Christus vir ons sondes gesterf het volgens die Skrifte; en dat Hy begrawe is, en dat Hy op die derde dag opgewek is volgens die Skrifte;
— 1 Kor 15:1-4

Hierdie prys herstel ons verhouding met God en bewerkstellig vrede deur versoening met God. Hoe weet ons of die prys aanvaarbaar was volgens God se voorskrifte (“bloed”)?

Wel die bewyse is deur God gegee, deurdat Hy Christus opgewek het uit die dode. Net soos God die offers in die ou Testament aanvaar het (soos byvoorbeeld met Elia en die Baäl profete). Christus leef en gee vir ons ’n nuwe ewige lewe.

Die prys wat betaal is, is ’n gawe van God.

Vir die wat Christus aanneem, maw bekeer en Hom as jou Verlosser aanvaar, geld die genadegawe wat die vrede met God herstel.

Want uit genade is julle gered, deur die geloof, en dit nie uit julleself nie: dit is die gawe van God;
— Efe 2:8

Chritus is die gawe, die genadegawe.

Een keer gered - altyd gered

Die Woord verklaar die mag van Christus se verlossingskrag.

En Ek gee hulle die ewige lewe, en hulle sal nooit verlore gaan tot in ewigheid nie, en niemand sal hulle uit my hand ruk nie.
— Joh 10:28

Dit gee ons volkome vrede met God, verewig.

Wat beteken dit vir my?

As jy Christus nie aangeneem het as jou persoonlike HERE en verlosser nie, dan bly jy verlore, vir altyd. Altyd soos in verewig sonder God - ewige hel.

Want God is ook geregtig, wat die sonde straf. Hy HAAT sonde, sonde word glad nie geduld nie, onder geen omstandighede!

Sekerlik, die slegte bly nie ongestraf nie; maar die geslag van regverdiges raak vry.
— Pred 11:21

As jy by hierdie bladsy uitgekom het dan het jy heelwaarskynlik onder sondebesef gekom. Om gered te word beteken dat jy van iets verlos moet word. As jy besig is om te verdrink, moet jy uit die water gehaal word om gered te word en op vaste grond gesit word.

Dit is waar ons nou is.

Iewers het die Heilige Gees jou oortuig van sonde, geregtigheid en oordeel. Sonde lei tot die dood, die ewige vuur. Die ewige dood.

Om gered te word moet jy vergifnis kry van jou sonde. Die prys is alreeds betaal, ons moet net die genadegawe aanvaar.

Dit is die vraag wat eintlik gevra word, om gered te word, wat moet ek doen?

Glo in Jesus Christus, dat Hy jou sonde op Hom geneem het en daardeur jou verlos van oordeel. Dit is nie net om te weet van Hom nie, maar dat Hy dit vir jou persoonlik gedoen het. Dus, dit is om jou geloof op Hom te plaas dat Hy jou persoonlik verlos het. Om dit jou eie te maak.

Dan kan ons sê:
Joh 1:12 Maar almal wat Hom aangeneem het, aan hulle het Hy mag gegee om kinders van God te word, aan hulle wat in sy Naam glo;

Joh 3:3 Jesus antwoord en sê vir hom: Voorwaar, voorwaar Ek sê vir jou, as iemand nie weer gebore word nie, kan hy die koninkryk van God nie sien nie.

Jesus Christus kan jou red, want Hy het sy rein lewe opgeoffer vir jou sondige lewe. Dit is ’n ruil transaksie. Met sy bloed betaal vir jou bloed. Hy het jou persoonlik in gedagte gehad toe Hy aan die kruis vir sondaars gesterf het.

• Jy is nou ’n wedergebore Christen en behoort aan Hom. Volg Hom alleen.
• As daar nie verandering kom nie, doen introspeksie. Het jy dit opreg bedoel.
• Vertrou God vir verandering in jou lewe.
• Bid vir “verlossing van die bose, lei my nie in die versoeking nie”. Die duiwel gaan probeer om jou geloof af te breek.
• Draai om en vlug van sonde. Sonde breek jou verhouding met God.
• Skakel in by die Kerk en groei saam met ander wedergebore Christene. As jy nie ’n behoefte ontwikkel om te groei in Christus nie, dan is daar iewers fout. Vertrou God om dit aan jou te openbaar.

⚠︎ Ander bronne na die pad van verlossing

’n Kort weergawe vir saligheid kan hier gevind word
Klein Bybel - Bybel verse wat lei tot redding
Hoe om gered te word? - Die lang weergawe

Ek wil meer hoor!

🔊 Wat moet ek doen om gered te word?

As u nog meer soek en wil weet wat die mens se verantwoordelikheid in redding is, koop die tyd uit en luister na die volgende boodskap. Redding is die mees belangrikste saak in ’n persoon se lewe.

Daar word baie leuens en verdraaings rondom die saak van redding versprei. Miskien het jy al ander sienings gehoor oor wat hier genoem is? Weet verseker dat die saak hier bespreek sal word.

❓Ek wil getuig/ wil meer weet

Ek het Christus as my Verlosser aangeneem en wil my eerste getuienis gee. Of ek wil graag iets bespreek.

Ja, daar is.

Vanuit die hart (binneste) van die mens vloei sy gedrag. Dit word vir almal sigbaar.

Daarom, as iemand in Christus is, is hy ’n nuwe skepsel; die ou dinge het verbygegaan, kyk, dit het alles nuut geword.
— 2 Kor 5:17

Andere sal dit waarneem dat jy verander het. Jy kan dit nie wegsteek nie.

Daar is verskeie beloftes.

Die ‘Hom’ in die volgende vers is Christus Jesus. En ons weet dat God nie kan lieg nie, so dan staan die vas vir altyd. As jy Jesus aangeneem het, dan is jy kind van God.

Maar almal wat Hom aangeneem het, aan hulle het Hy mag gegee om kinders van God te word, aan hulle wat in sy Naam glo;
— Joh 1:12
Dit het ek geskrywe aan julle wat glo in die Naam van die Seun van God, sodat julle kan weet dat julle die ewige lewe het en kan glo in die Naam van die Seun van God.
— 1Joh 5:13

Ons ontvang die Heilige Gees by redding (versoening met God)

Wanneer ons deur die Evangelie van Christus gered word, ontvang ons ook die Heilige Gees as bewys (Soms verwys as die onderpand).

Die transformasie word ook verwys as die person se wedergeboorte. Die mens word vernuwe, maw wedergebore, en ontvang nou die Gees van God. Wanneer dit gebeur word ons verhouding dus met God herstel want ons het nou die Heilige Gees of Gees van God. Die Bybel sê dat die Gees in elke wedergebore kind van God se hart leef.

Die wedergeboorte sluit aan by die vorige konsep, alles het nuut geword.

Jesus antwoord en sê vir hom: Voorwaar, voorwaar Ek sê vir jou, as iemand nie weer gebore word nie, kan hy die koninkryk van God nie sien nie.
— Joh 3:3
Wat uit die vlees gebore is, is vlees; en wat uit die Gees gebore is, is gees.
Moenie jou verwonder dat Ek vir jou gesê het, julle moet weer gebore word nie.
— Joh 3:6,7

Ons word gered vir ’n spesieke doel - goeie werke

God is soewerein en weet alreeds voor die skepping wie Hom( Christus ) as Verlosser sal aanvaar. In sy raadsplanne het Hy ook bepaal watter goeie werke daar vir ons is. Of laat ons so dit eerder so stel, dit wat ons sal doen in sy Naam onder leiding van die Heilige Gees. Dit is waarom Paulus ook ons waarsku in Fil 2:12,3 dat ons nougeset sal lewe en daar volgens goeie werke sal lewer.

Let wel dat die goeie werke ’n uitvloeisel is van redding, en nie werke wat ons nie sal red nie. Geen werke kan ’n mens red nie.

Want ons is sy maaksel, geskape in Christus Jesus tot goeie werke wat God voorberei het, sodat ons daarin kan wandel.
— Efe 2:10
Daarom, my geliefdes, … werk julle eie heil uit met vrees en bewing; want dit is God wat in julle werk om te wil sowel as om te werk na sy welbehae.
— Fil 2:12,13

Ja, daar is.

Die Evangelie - kos ook ’n prys. Die bekeerling gaan wegdraai van sy vekeerde weë en Jesus volg. Daar sal heel waarskynlik vriende en familie wees wat sal aanstoot neem en jou verlaat. Maar ’n nuwe lewe in Christus sluit ook ’n nuwe geestelike familie in.

En Hy sê vir almal: As iemand agter My aan wil kom, moet hy homself verloën en sy kruis elke dag opneem en My volg.
— Luk 9:23

Jesus is die enigste weg

Jesus antwoord hom: Ek is die weg en die waarheid en die lewe; niemand kom na die Vader behalwe deur My nie.
— Joh 14:6

Daar is geen ander manier om gered te word nie. Jesus is die enigste weg.

Jesus is deur God opgewek uit die dode. Daar is nie ’n ander godsdiens of geloof waar die middelaar leef nie. En Jesus is die enigste manier om by God uit te kom. Hierdeur weet ons dat die ander gelowe waar Jesus nie middelaar is nie, vals en van die bose is.

Jesus kom weer

sodat Hy julle harte kan versterk om onberispelik te wees in heiligheid voor onse God en Vader by die wederkoms van onse Here Jesus Christus met al sy heiliges.
— 1Thes 3:13

Indien jy nie gered (wedergebore) is wanneer Jesus weer kom nie sal jy agter gelaat word. Verskriklik is dit vir die wat agterbly.

Maar indien u wel gered is, wag onbersipelik vir Sy wederkoms.

Dit is ’n opdrag dat die kind van die Here deur die Gees moet wandel

Ons het gesien dat een van die bewyse van redding deur die Evangelie, die vervulling is met die Heilige Gees. Daaraan is ’n opdrag gekoppel.

As ons deur die Gees lewe, laat ons ook deur die Gees wandel.
— Ga 5:25
Maar ek sê: Wandel deur die Gees, dan sal julle nooit die begeerlikheid van die vlees volbring nie;
— Gal 5:16

In teenstelling, as ons nie deur die Gees wandel nie leef ons soos ons wil, maw deur die vlees.

Ons kan die Heilige Gees bedroef.

En bedroef nie die Heilige Gees van God nie, deur wie julle verseël is tot die dag van verlossing.
— Efe 4:30

Die Heilige Gees van God wat in die kinders van die Here se harte woon, kan bedroef of selfs uitgeblus word. (Sien die waarskuwing hieronder).

Die Heilige Gees word bedroef wanneer onbelyde sonde vertroetel word / nie mee gehandel word nie. Dan sê die Bybel dat die kind van God in die vlees wandel en nie deur die Gees nie. Dit maak hom oneffektief om sy Goddelike doel te bereik. Dit is dus ’n groot gevaar waarin baie kinders van die Here hulself kan bevind.

Daar moet vrug wees.

Ek is die wynstok, julle die lote. Wie in My bly, en Ek in hom, hy dra veel vrug; want sonder My kan julle niks doen nie.
As iemand in My nie bly nie, word hy uitgewerp soos die loot en verdroog, en hulle maak dit bymekaar en gooi dit in die vuur, en dit verbrand.
— Joh 15:5,6

Die Nuwe Testament lê baie klem op vrug, vrug van die heiliges of die wat gered is. Dit is duidelik dat ons slegs vrug kan lewer indien ons in die Wynstok bly. Jesus is die wynstok. Ons kan net ware vrug lewer deur Hom. Hy word verteenwoordig deur die Heilige Gees, wat ons so pas geleer het ook in ons harte woon. Op die manier is ons gekoppel aan Jesus en dra ons vrug slegs as ons deur die Gees wandel.

In eenvoudige taal beteken dit dat as ons deur in die Gees (Heilige Gees) wandel kan ons vrug dra.

Dit is waarom Jakobus die werke met geloof koppel. Hierdie is die werke van gelowiges - in geloof.

Net so is ook die geloof, as dit geen werke het nie, in sigself dood.
Maar iemand sal sê: Jy het die geloof en ek die werke. Toon my jou geloof uit jou werke, en ek sal jou uit my werke my geloof toon.
— Jak 2:17,18

Daar is ook ’n uiterste gevaar.

As jy die Seun van God vertrap, en/of teen die Heilige Gees sondig (maw Jesus verwerp) dan is hierdie ook waar.

Want dit is onmoontlik om die wat eenmaal verlig geword het en die hemelse gawe gesmaak en die Heilige Gees deelagtig geword het,
en die goeie woord van God gesmaak het en die kragte van die toekomstige wêreld,
en afvallig geword het – om dié weer tot bekering te vernuwe, omdat hulle ten opsigte van hulleself die Seun van God weer kruisig en openlik tot skande maak.
— Heb 6:4-6

Wat is die evangelie van Christus. Waarom moet ons gered word? Hoekom is Jesus die enigste oplossing!

Vrae ?

Indien jy enige verdere navrae het en/of iets meer wil uitvind, tree asseblief hieronder in verbinding.

Bid vir my ?

Bid asseblief vir my?

Wat is die verantwoordelikheid van die mens by redding? Het Jesus nie alles gedoen wat nodig is nie?

Hoekom sê die Bybel dat baie min gered sal word. Het Jesus dan nie die loon van sonde betaal nie…

Die Bybel sê dat die mense(volk) verlore gaan weens gebrek aan kennis. Tog is redding so eenvoudig dat ’n kind dit kan verstaan.

Ons mag weet wat die oplossing is, dat Jesus die volbragte werk gedoen het. Ons weet van sy opstanding. Ons weet dat Jesus se bloed aan God se standaard voldoen, en daardeur Sy opstanding.

Ons fokus op hierdie een boodskap van ’n reeks wat net een tema hanteer, wat ek moet doen om gered te word. God verwag dat elke persoon ’n verantwoordelike daad of aksie moet neem sodat Sy verlossingsplan ’n werklikheid in jou lewe sal word.

Daar is so baie leuens en verwarring oor die saak. Wat is die waarheid? Dit wat ons sal vrymaak.

🔊 Kom ons luister na…

Deur Dr Soon Zevenster.

Vrae ?

Indien jy enige verdere navrae het en/of iets meer wil uitvind, tree asseblief hieronder in verbinding.

Bid vir my ?

Bid asseblief vir my?

Geestelike redding kan net plaasvind wanneer ’n mens besef dat jy verlore is. Sondebesef word deur die Heilige Gees in die persoon bewerk. Redding kan net plaasvind deur die werking van die Heilige Gees. Hy oortuig van sonde, geregtiheid en oordeel.

Die woord in die geskrywe sal nie lewe tensy die Heilige Gees dit vir jou lewend maak nie.

en as Hy kom, sal Hy die wêreld oortuig van sonde en van geregtigheid en van oordeel: — Joh 16:8

Romeine verduidelik die toestand van die mens in diepte en is ’n goeie riglyn tot geestelike weergeboorte ( ie versoening en vrede met God - jou Skepper).

1. Erken jy is verlore

want almal het gesondig en dit ontbreek hulle aan die heerlikheid van God,
— Rom 3:23

2. Aanvaar God se Geskenk

Want die loon van die sonde is die dood, maar die genadegawe van God is die ewige lewe in Christus Jesus, onse Here.
— Rom 6:23

3. Christus die enigste Verlosser

maar God bewys sy liefde tot ons daarin dat Christus vir ons gesterf het toe ons nog sondaars was.
— Rom 5:8

4. Doen dit nou - hoe om gered te word

As jy met jou mond die Here Jesus bely en met jou hart glo dat God Hom uit die dode opgewek het, sal jy gered word;
— Rom 10:9

5. Jy is vry gespreek

Daar is dan nou geen veroordeling vir die wat in Christus Jesus is nie, vir die wat nie na die vlees wandel nie, maar na die Gees.
— Rom 8:1

Bid die sondaars gebed en glo wat jy hardop spreek

Here Jesus, ek is ’n sondaar . Ek bely en erken dat ek vandag verlore is. Dankie vir die kruis waar U vir my sonde betaal het. Al verdien ek die hel, hoef ek nie daarheen te gaan nie. Vegewe asseblief nou al my sondes. Was my nou skoon in U bloed. Beklee my nou met U geregtigheid en maak my ’n nuwe mens. Ek nooi U in my lewe in. Ek gee my totale lewe aan U om te maak soos U wil. Ek neem dit as ’n feit dat U my nou vergewe het; dat ek skoon gewas is deur U bloed; dat ek nou ’n nuwe mens is wat ’n nuwe lewe begin; dat ek weergebore is en U kind is van hierdie oomblik af! Ek verklaar dat U die Here is van my lewe.

Amen.

Ek het Christus as my Verlosser aangeneem en wil my eerste getuienis gee. Of ek wil graag iets bespreek.

❓ Weet jy verseker waar gaan jy die ewigheid deurbring?

“Dit het ek geskrywe..
sodat julle kan weet dat julle die ewige lewe het …”
– 1 Johannes 5:13

⚠︎ Niemand kan die Hemel verdien nie :

“Want die loon van die sonde is die dood, maar die genadegawe van God is die ewige lewe”
– Romeine 6:23

“Want uit genade is julle gered, deur die geloof, en dit nie uit julleself nie: dit is die gawe van God: nie uit werke nie, sodat niemand mag roem nie.”
– Efésiërs 3:8,9

⛓️ Almal is sondaars :

“Almal het gesondig en dit ontbreek hulle aan die heerlikheid van God.”
– Romeine 3:23

“Kyk, in ongeregtigheid is ek gebore, en in sonde het my moeder my ontvang.”
– Psalm 51:7

“As ons sê dat ons geen sonde het nie, mislei ons onsself en die waarheid is nie in ons nie.”
– 1 Johannes 1:8

🤍 God is liefdevol :

“… Ek het jou liefgehad met ’n ewige liefde”
– Jeremia 31:3

“Want so lief het God die wêreld gehad, dat Hy sy enigegebore Seun gegee het, sodat elkeen wat in Hom glo nie verlore sal gaan nie, maar die ewige lewe kan hê.”
– Johannes 3:16

⚖️ God is regverdig en moet die sonde straf :

“… en die heilige God sal Hom as die Heilige laat ken deur geregtigheid.”
– Jesaja 5:16

“U het geregtigheid lief en haat goddeloosheid.”
– Psalm 45:8

“… die siel wat sondig, dié moet sterwe.”
– Eségiël 18:4

✞ Jesus het vir ons sondes gesterf :

“God bewys sy liefde tot ons daarin dat Christus vir ons gesterf het toe ons nog sondaars was.”
– Romeine 5:8

“Ons almal het gedwaal soos skape, ons het elkeen sy eie pad geloop: maar die HERE het die ongeregtigheid van ons almal op Hom laat neerkom.”
– Jesaja 53:6

🙏 Ons ontvang die ewige lewe deur Geloof :

“Want uit genade is julle gered, deur die geloof.”
– Efésiërs 3:8

“… Glo in die Here Jesus Christus en jy sal gered word.”
– Johannes 6:47

✞ God bied vandag vir jou vergifnis aan :

“As ons ons sondes bely, Hy is getrou en regverdig on ons die sondes te vergewe en ons van alle ongeregtigheid te reinig”
– Johannes 1:9

“Kom nou en laat ons die saak uitmaak, sê die HERE: al was jou sondes soos skarlaken, dit sal wit word soos sneeu…”
– Jesaja 1:18

“Kyk, Ek staan by die deur en Ek klop. As iemand my stem hoor en die deur oopmaak, sal ek ingaan na hom toe en saam met hom maaltyd hou, en hy met My.”
– Openbaring 3:20

❓ Wil jy nie ook graag seker wees dat jou sonde vergewe is en dat jy die ewige lewe het nie?

“Ek is die weg en die waarheid en die lewe; niemand kom na die Vader behalwe deur My nie.”
– Johannes 14:6

🙏 Deur die volgende gebed te bid kan jy Jesus aanvaar as jou redder :

Jesus ek bely ek is ’n sondaar. Ek glo dat U die Seun van God is en vir my sondes gesterwe het. Ek bely my sondes en vra dat U dit sal vergewe. Jesus kom in my lewe en en vul my met die Heilige Gees sodat ek U kan volg, en kan leer hoe om met U te wandel.
Dankie Jesus.
Amen

❓Wat gebeur nou nadat ek God vertrou het om my sondes te vergewe?

“Daarom, as iemand in Christus is, is hy ’n nuwe skepsel; die ou dinge het verbygegaan, kyk, dit het alles nuut geword.”
– 2 Korinthiërs 5:17

“Maar almal wat Hom aangeneem het, aan hulle het Hy mag gegee om kinders van God te word.”
– Johannes 1:12

⚠︎ Wat word van my as kind van God verwag?

1. Bybel - Lees jou Bybel elke dag en elke nag.
2. Gebed - Bid elke dag tot die Here Jesus.
3. Kerk - Aanbid in ’n Kerk wat jou van die Bybel leer.
4. Gemeenskap - Hou gemeenskap met ander kinders van Here.
5. Getuig - Vertel ander wat Jesus vir jou gedoen het. Gebruik hierdie boekie om hulle ook na Jesus toe te lei.

samegestel deur gideonjbrown@gmail.com

Ek het Christus as my Verlosser aangeneem en wil my eerste getuienis gee. Of ek wil graag iets bespreek.

deur M.R. Gschwend

As ons om ons kyk en die die dinge sien wat vandag in die wêreld gebeur, is dit vir ons almal baie duidelik dat daar geen vrede in die wêreld is nie. Oral hoor mens van haat, bakleiery, moord, oorloë, en gerugte van oorloë. Dit maak nie saak na watter media (elekronies, sosiale, radio) gekyk word nie, ’n mens vind daar vreeslike dinge wat mense aan mekaar doen vanweë sonde, haat en jarloesie. Die groot manne van die wêreld het nou vir baie jare probeer om vrede in die wêreld te bring, maar tot nog toe het niemand daarin geslaag nie. Nie alleen is die wêreld in hierdie toestand nie, maar treurig soos dit is, is daar ook in baie van ons huise nie vrede nie. Die ergste van alles is egter, die feit dat daar ’n groot aantal mense vandag in die wêreld is wat nie vrede in hulle eie siele het nie, en dis waar die wortel van die kwaad lê.

Waarom is daar geen vrede nie?

In die begin het God die wêreld geskape sowel as die gras, blomme, bome en al die diere wat onder die water sowel as die wat op droë grond woon. God het ook vir Adam en Eva geskape en in hierdie ganse skepping was daar vrede. Adam en Eva was nie vir enige van die diere bang nie, en die diere het vreedsaam en gelukkig saamgelewe. Die skaap kom saam met die leeu stap sonder dat die leeu dit kwaad sal aandoen. Maar bowe alles was daar vrede tussen God en die mens, en het God in die koelte van die aand afgekom om saam met Adam en Eva te wandel en met hulle te gesels. Hulle het geen vrees in hulle harte teenoor God gehad nie en hulle het uitgesien na Sy koms en sy verkeer met hulle.

Toe het Satan, wat die vyand van die vrede is, in die slang ingegaan en vir Adam en Eva tot sonde verlei, omdat daar geen vrede is waar sonde is nie. Satan, die vader van leuens, het vir hulle vetel dat hulle nie sal sterf nie al sou hulle ook aan God omgehoorsaam wees en van die vrugte neem wat God hulle verbied het om te eet. Nog net soveel mense luister selfs vandag nog, na die stem vsn die duiwel. So het Adam en Eva dan gedoen wat die duiwel hulle verlei het om te doen en teen God gesondig. Op daardie selfde oomblik het die vrede wat hulle geniet het, hulle verlaat – al die vrede en skoonheid wat God geskep het is deur een dag van sonde vernietig, en het vrees in die harte van Adam en Eva kom woon. Daardie selfde aand, toe God soos gewoonlik gekom het om met hulle te gesels, het hulle weggekruip en was bang vir die teenwoordigheid van God. “Daarom soos deur een mens die sonde in die wêrled ingekom het” het ook hulle, wat vandag lewe, “gesondig en dit ontbreek hulle aan die heerlkheid van God” (Rom 5:12, 3:23). Een sonde lei gewoonlik na ’n ander, en vandag is die hele wêreld siek van die sonde, en daarom regeer die vrede nie op die aarde nie.

God het begeer om die vrede weer aan die aarde terug te gee

God het uit die hemel neergekyk en die haat, vrees, sonde, en hartseer gesien, en in Sy groot liefde het Hy sy enigebore Seun gestuur om in ’n stal gebore te word. Jaar na jaar, tydens Kersfees, word ons herinner aan die woorde van die Engel: “Moenie vrees nie, want kyk, ek bring julle ’n goeie tyding van groot blydskap wat vir die hele volk sal wees, en dat vir julle vandag in die stal van Dawid gebore is die Verlosser wat Christus, die Here is, En dit is vir julle ’n teken: Julle sal ’n kindjie vind wat in doeke toegedraai is en wat lê in die krip. En skielik was daar saam met die Engel ’n menigte van die hemelse leërskare wat God prys en sê: Eer aand God in die hoogste hemele en vredd op aarde, in die mense ’n welbehae!” (Luk 2:10-14). Jesus is na hierdie aarde gestuur “om te skyn oor die wat in duisternis en skaduwees van die dood sit, om ons voete na die pad van vrede te rig”. (Luk 1:79). Efe 2:14 vertel ons ook “Hy is ons vrede”. God het die Prins van Vrede na die wêreld getsuur, en as die mense van die daardie tyd Hom net ontvang het, kon hulle weereens in harmonie saamgeleef het.

Wat het mense met daardie vrede gedoen?

Soos Adam en Eva, het die Jode en die nie-Jode van daardie tyd verkies om God ongehoorsaam te wees en die Satan se raad te neem. Hulle het die Prins van Vrede verwerp, en toe Pilatus vir Jesus en Barrabas voor hulle geplaas het, het hulle geskree, “Weg met Jesus! Gee ons Barrabas!” Met ander woorde, hulle het gesê: “Neem weg die Prins van Vrede en gee ons haat, oorloë, moord en sonde." Hierdie mense het hulle eie vrye wil gehad en kon self gekies het sonder om daartoe gedwing te word, maar hulle het Barrabas verkies.

Hierdie dae waarin ons leef is presies dieselfde. God het ons ’n keuse gegee. Ons kan Jesus as ons Heiland en ons Koning aanneem en Hy sal vrede in ons lewens inbring. Hy sê: “Vrede laat Ek julle na, my vrede gee Ek julle, nie soos die wêreld gee, gee Ek vir julle nie”. (Joh 14:27). Die sonde in ons lewens het ons ver verwyder van God, en in ons sondige staat het ons geen vrede in ons self nie, maar Jesus staan altyd met uitgestrekte arms en wag om ons terug te ontvang, om ons te hernuwe en te reining in Sy kosbare bload, om ons krag te gee om die seuns van God te word en om ons vrede te gee. In Romeine 5:1 word gesê: “Omdat ons dan uit die geloof geregverdig is, het ons vrede by God deur on Here Jesus Christus.” Daar is niks in hierdie wêreld wat ons vrede kan gee nie. Geld, rykdom en roem lan dit nie gee nie; drank kan dit nie gee nie; en selfs die plasing van ons name op ’n kerkregiser, kan dit nie gee nie.

Daar is slegs een manier om vrede vir ons siele te ontvang en dit is om na die Here Jesus te kom, ons sonde te bly voor Hom en om berou te hê daaroor en “Hy is getrou en regverdig om ons ons sondes te vergewe en ons van alle ongeregtigheid te reinig.” Die vrede wat Jesus gee is ’n vrede wat alle verstand te bowe gaan (Phil 4:7).

Dit kan nie deur die mens verduidelik word nie, maar ons kan dit in ons lewens ondervind as ons gewillig is om die wêreld te versaak en die dinge van hierdie wêreld, om die sonde en sondige vriende te versaak, en om na die Here Jesus te keer en slegs Hom te dien. Ons mag in staat wees om sonder sonde vrede te lewe maar ons kan nie bekostig om sonder vrede te sterwe nie “want die koningkryk van God is nie spys en drank nie, maar geregtigheid en vrede en blydskap in die Heilige Gees.” (Rom 14:17). As ons dan nie die vrede van God in ons harte het as ons sterwe nie, sal ons sekerlik nie in Sy hemel van vrede verwelkom word nie. As ons nie die Prins van Vrede in ons lewens aanvaar het nie en ons sterwe in ons sondige staat, dan is daar slegs een plek vir ons en dit is die ewige vuur van die hel. Jy mag nie bekostig om te sterf in die toestand waarin jy nou is nie omdat jy dan vir ewig verlore sal wees, en die Woord van God vertel ons dat “die rook van jou kastyding sal vir ewig en ewig opstyg.” Dit is ’n ewige hel waarheen die sondaar gaan en ons het almal gesondig. “Daar is nie een regverdig nie, nee nie een nie.” As jy dus Hemel toe wil gaan is daar net een ding om te doen en dit is om vrede met God te maak en God se vrede in jou hart te hê en “laat die vrede van God … in julle harte heers” (Kol 3:15). Met Kersfees word ons herinner aan Jesus se koms na hierdie wêreld om die vrede te bring. Met Paastyd word ons herinner aan hoe die mense Hom van die hand gewys en gekruisig het.

Liewe vriend, gaan u ook een van die wees wat die Meester afgewys het. Of gaan u u lewe vir Hom open en Hom laat inkom? Daar is net een manier om God se vrede in jou hart te kry, en dit is om nou voor Hom te kniel, en te bieg dat jy ’n sondaar is, en Hom te vra om jou in sy kosbare bloed te was en jou Sy eie te maak; dit maak nie saak hoe sleg jy dink jy is nie, Hy is gewillig om jou te ontvang en sal niemand wegwys nie. As jy nog nooit God se vrede in jou hart ondervind het nie, kan jy dit nou ontvang en sodoende onkenbare vreugde en heerlikheid ondervind.

By ’n sekere evangeliediens het ’n ou man opgestaan en gesê: “Ek het vier konings se regering beleef, In die eerste was ons gedurig besig om oorlog te maak, en dit was ’n vreeslike tyd. Toe die tweede regeer het, het ons ’n groot hongersnood ondervind en toe het ons rotte en gras en hout geëet. Gedurende die derde het ons vyande ons oorwin en het ons hulle diensknegte geword. Maar gedurende hierdie derde se regering is ons deur ’n ander Koning besoek. ’n groot Koning, ’n goeie Koning, ’n vredeliewende Koning. ’n Koning van Liefde – Jesus die Heer van die Hemel. Hy het nou die oorwinning behaal. Hy het ons harte oorwin. Daarom leef ons nou in vrede en voorspoed, en hoop ons spoedig om saam met Hom in die Hemel te woon.”

Liewe vriend, gee nou u lewe aan Jesus. Op hierdie oomblik moet u stilhou op u afdraende pad na die hel, omdraai en die Koning van alle Konings en die Heer van alle Here dien. Jy mag vind dat baie van jou vriende jou sal verlaat, maar onthou dat Jesus gesê het “Want Ek is met jou, selfs tot aan die einde van die wêreld.”

En nou af te sluit: “Laat die vrede van God … in julle harte heers” (Kol 3:15).

Vrae ?

Indien jy enige verdere navrae het en/of iets meer wil uitvind, tree asseblief hieronder in verbinding.

Bid vir my ?

Bid asseblief vir my?

Dit duur egter nie lank nie, of hy gewaar dat daar in sy binneste twee neigings is, een ten goede wat ’n afsku van die sonde het, en een ten kwade, wat lus daarin vind om sonde te doen. Die neigings ontwikkel tot ’n tweestryd in die gelowige. Versoekings om sondes wat in die ongeredde dae gedoen is weer te doen, word onweerstaanbaar. Hoe meer hy daarteen stry, hoe sterker die versoekin en die gevolg is, hy gee toe aan die versoeking en doen die sonde teen sy sin. Skande en bitter berou is die gevolg. Die man het bv aan ’n slegte humeur gely, en nou lê hy hom daarop toe om nie meer kwaad te word nie. ’n Bediende maak onverwags ’n groot fout, en voor die man weet waar hy is, verloor hy sy humeur, los ’n vloekwoord en gebruik harde taal teen die man. Dit laat ’n mens saam met die apostel uitroep in Rom 7:19 “Wat die goeie wat ek wil, doen ek nie, maar die kwaad wat ek nie wil nie, dit doen ek”.

As hierdie jong christen nie dadelik verder aangehelp word op die christelike weg nie, dan word hy naderhand so deur die duiwel oorweldig dat in baie gevalle moedeloosheid volg, en die gevolg is ’n terugsakking in die christelike lewe, waardeur die persoon soms weer terugval na die wêreld.

’n Tweede ondervinding leer dat sy getuienis kragteloos is en dat hy hopeloos is om ’n siel die heilsweg aan te wys. Maw hy is’n geestelike christen wat vir die koningkryk van God niks beteken nie. Dit en meer is die ondervinding van duisende van Gods dierbare Kinders.

Nou kom die vraag: As God voorsienning gemaak het die mens van sy sondeskuld vergifnis kan ontvang, het Hy dan nie in Sy verlossingsplan ook voorsiening gemaak om die mens in staat te plaas waar hy die lewe kan lei wat vir Hom welbehaaglik en aangenaam is nie? Die antwooord kom uit God’s Woord: Ja, daar IS vir die christen ’n beter lewe, dan ’n kragtelose val en opstaan lewe. Jesus het gekom om die verwoesting deur Satan aangerig met die sondeval, volkome te herstel deur Sy dood en opstanding, 1 Joh 3:8, Joh 10:10 sê “… Ek het gekom dat hulle LEWE en OORVLOED kan hê”. Die meeste kinders van God het kwalik lewe vir hulself, wat nog sê vir andere. Jesus sê hy het nie net gekom dat Sy dissipels kan lewe nie, maar hulle kan OORLOOP, sodat andere by hulle kan kom drink, Joh 4:14, 7:38. Dawid sê in Ps 23:5 “My beker loop OOR”.

Dis nie al nie. Jesus het vir ons aan die kruis ’n lewe uitgewerk en so moontlik gemaak waarin ons vrygemaak van sonde kan hê. Rom 6:22, 6:14 sê: “Want die sonde sal oor julle NIE HEERS NIE”. As ’n ding nie oor my heers nie, dan heers ek tog immer daaroor. Van hierdie oorwinnende lewe in God’s Woord volgens 2Pet 1:10 “… want as julle dit doen sal julle NOOIT STRUIKEL NIE”. 1 Joh 3:6 “Elkeen wat IN HOM BLY, SONDIG NIE”. Jud 24 “Hy is magtig om julle VAN STRUIKELING TE BEWAAR, en julle SONDER GEBREK voor Hom in heerlikheid te stel”. Ons sien dus daar is vir ons ’n lewe van OORWINNING en OORVLOED.

Wat dit nie is nie

’n Lewe van vrygemaak van sonde is nie ’n toestand waarin die kind van God kan kom dat hy nie meer kan sonde doen nie. Verre daavandaan. Die mens is geskape met ’n vatbaarheid vir versoeking, of liewer met ’n moontlikheid om te sondig. So is Adam geskape en so is Jesus gebore. Albei was rein en SONDER sonde, maar het die moontlikheid om te sondig. As dit nie gewees het dan het Adam nooit geval nie, en sou die Satan Jesus nooit versoek het nie. Hoewel die Satan ’n leuenaar is, is hy nie altyd ’n dwaas nie. As hy in Jesus en Adam die moontlikheid gesien het om hulle te laat sondig nie, sou hy nooit daarmee bemoei het om hulle te laat sondig nie, sou hy hom nooit daarmee bemoei het om hulle te versoek nie. Omdat die moontlikheid om te sondig daar was het hy sy versoeking-aas na Adam uitgeooi. Adam het gebyt en geval, en deur hierdie VAL het die menslike geslag geval. Rom 5:12-19. Daarvandaan is elke kind gebore met die neiging tot sonde in sy hart en ’n eiesinnige wil teen die wil van God. Ps 51:7; Job 14:4; Joh 9:34. Dit is die oorsaak dat die mens se hart sondig en verdorwe is, Gen 6:5; Jer 17:9; Mark 7:21-23; Rom2:5.

Toe die tweede Adam Jesus, kom, was hy net soos die eerste Adam, sonder sonde. Ook na Hom is die versoekings-aas gegooi op alle moontlike maniere, maar Sy vatbaarheid of moontlikheid vir sonde het hy toegehou met die Skrif: “DAAR STAAN GESKRYWE”, en die gevolg was, Satan moes teleurgesteld van Hom af weggaan. Hy was versoek in ALLE OPSIGTE net soos ons, maar sonder sonde. Heb 4:15. Deur doe versoeking te weerstaan het Jesus die oorwinning behaal, en heers Hy oor die sonde. Hy het daardeur vir u en vir my wat Hom uit en uit wil volg, getoon dat ’n lewe vrygemaak van sonde op aarde moontlik is. Daarom sê Hy in 1 Joh 3:6 “Elkeen wat IN HOM BLY, sondig NIE”.

Ons sal ’n beeld gebruik om dit te verduidelik: Iemand neem ’n kindjie en sit hom in ’n vuil kamer op ’n vuil grondvloer neer. Die kindjie is skoon gewas, maar omdat die vloer so vuil is, is die kindjie van die koppie tot die voetjies baie vuil. Nou kom die moeder, tel die kindjie op, was hom en trek hom weer skoon aan. Hierdie keer neem sy ’n groot dik kombers, gooi dit op die vuil vloer oop, sit die kindjie daarop en sê: “My kindjie, speel nou mooi op die kombers, dan sal jy skoon bly, maar net sodra jy afkruip, word jy weer vuil van die ou vuil vloer”.

So sien ons solank die kindjie op die kombers bly, bly hy skoon, want op die kombers is dit skoon maar sodra hy met sy handjie op die vloer van die kombers af druk, is die handjie vuil. Op die kombers meen nie dat hy noot weer kan vuil word nie, nee, die moontlikheid bestaan daar dat hy van die kombers kan afklim, en dan is hy op die vuil vloer en ook vuil gesmeer. Dis alleen gehoorsaamheid om op die kombers te bly dat hy skoon kan bly.

So is die lewe van vrygemaak van sonde. As die kind van God IN Christus bly, dit is die veilige weg of beweegkring, dan sal hy nie nodig hê om te sondig nie. 1 Joh 3:6.

Dis ’n bevel van God

Dis nie net vir die christen om te glo daar is so ’n lewe van OORVLOED, KRAG EN OORWINNING nie, maar dwardeur God’s Woord is dit God’s bevel om daardie lewe deelagtig te word. In Efe 5:18 kom die bevel: “Word nie dronk van wyn nie … maar word met die Gees vervul”. Hier is twee bevele in een teks: (1) Moenie dronk word van wyn nie. (2)Word vervul met die Gees. (Word dronk van die Gees)

So baie mense, en nogal kinders van God omhels die eerste bevel heelhartig, want dis ’n bevel van God, maar die tweede word nie op ag gegee nie. Waar kry so ’n persoon nou die reg om een aan te neem en die ander te verwerp? God bedoel die een net so belangrik as die ander.

In 1 Pet 1:15, 16 lees ons: “Maar soos die Heilige wat julle geroep het, moet julle ook in julle hele lewenswandel heilig word, omdat daar geskrywe is: Wees heilig, want Ek is heilig”. Waar wil ons ’n meer direkte bevel hê as hier, doodeenvoudig: “Jy MOET HEILIG WEES OMDAT EK DIT IS”. Net so kom dieselfde bevele in 2 Kor 7:1; 1 Thes 4:7,8 en Heb 12:10,14. Dis God’s wil vir ons in die verlossing van Christus, 1 Thes 4:3.

Wat hartreiniging beteken

Om vervul te word met die Heilige Gees, vereis in die eerste plek ’n rein hart. Die hart moet volgemaak word van die Heilige Gees, en voordat dit kan volgemaak word moet dit eers leeggemaak en gereinig word, want die Heilige Gees kan nie en sal nooit deurmekaar met sondes en onreinheid woon en werk nie. ONMOONTLIK! Daarom moet die Here toegelaat word om iets diepers ondervindinglik te werk as by die bekering. Dit word soms genoem ’n tweede genadewerk.

Baie mense meen dat hulle by die weergeboorte ’n rein hart ontvang. Dis onbybels. By die weergeboorte ontvang jy ondermeer twee dinge. nl die versekering deur die Heilige Gees dat jou sondes vergewe is en die Ewige Lewe. As ongeredde is die mens dood deur sonde en misdade. By die weergeboorte word hy weer geestelikite lewendig gemaak. Efe 2:1; 1 Joh 3:14. Vergifinis van die sonde beteken die uitwissing van jou sondige verlede deur die genade van God op die soenverdienste van Jesus. Dit is die dinge wat die mens gedoen het. Die ERFSONDE, of die mag van die sonde in die mens, waarmee elke kind in die wêreld gebore is, is nie iets wat vergewe kan word nie, maar daar moet jy van verlos of gereinig word.

Hierdie sondige neiging openbaar hom baie vroeg in die kind se lewe. Daar lê bv ’n klein kindjie op ’n bedjie en skree asof die wêreld wil vergaan, en dit sonder rede. Hy het nie dors nie, en is ook nie siek nie maar wil net eenvoudig nie daar lê nie. Die moeder wat baie ander werk het om te doen, kom en tel hom op, en stil is hy, want hy het sy sin gekry. Dit is die verdorwe natuur in die kind waarmee hy gebore is, wat so maak, en dit is wat die hart onrein maak. Mar 27:21, 23.

Dit is hierdie sondemag in die mens wat maak dat die man elke tien minute sy humeur verloor. Dit is die erfsonde wat maak dat hy van sy naaste kwaadpraat, dat hy hom oorgee aan versoekings. Maw dit id die mag va die sonde in die mens wat sy hart onrein maak en sy lewe besoedel. Sondes is die gevolge van die mag van die sonde in die mens soos vrugte van ’n boom kom. Sode kan vergewe of uitgewis word, maar die mag van die sonde of die erfsonde kan NIE VERGEWE word nie. Vrugte kan van onder die boom af weggevee word maar die boom kan nie uitgevee word nie. Om die boom uit te kry, kos inspanning met ’n byl, pik en graaf. Daarom sê ons om ’n rein hart te verkry is ’n tweede genadewerk voor nodig. Daar moet iets wat lewe uit die hart geneem en vernietig word, en net die Here kan dit doen as Sy kind Hom dit toelaat.

Hierdie tweede genadewerk of hartreiniging wat in die kind van God moet plaasvind, word in ons dag deur so baie ontken en die Bybel is tog so duidelik op die punt.

Kom ons kyk na die prent van die christelike lewe wat die Here ons toon in die Ou Testament. In die geskiedenis van Isreal wat vir ons opgeskrewe is as voorbeelde 1 Kor 10:11, sien ons dat God twee groot uitstaande wonderwerke moes doen waar Israel van verblyf moes verwissel. Eers uit Egipte na die Woestyn, die Wonder deur die Rooi See. Toe weer uit die woestyn na Kanaan, die wonder deur die Jordaan.

Die tweede bewys vind ons in Gal 4:20 - 31. Hier praat die apostel met gelowiges, weergebore kinders van God. Hier maak hy vir hulle die toestand van die weergeborene duidelik. Ismael, die mag van die sonde in die mens werk vir Isak, die nuwe lewe die Heilige Gees wat in die kind van God se hart getuig teë. Hoor nou wat sê hy in vers 30: “Werp vir Ismael, die mag van die sonde, uit, Isak, die nuwe lewe, alleen, kan die land van OORVLOED be-erwe.”

Die derde bewys is die twee aspekte van die Kruis. Die kruising van Jesus was verdeel in twee dele. Van 9 tot 12 uur het Hy in die openbaar en volle sonlig gehang vir die uiterlike van die mens die dade wat die mens gedoen het, die sonde waarvan ons vergifnis moet ontvang alvorens ons die versekering van ons saligheid kan ondervind en geniet. Van 12 tot 3 uur het Hy in die midernagtelike duisternid gehang, vir die INNERLIKE, die mag van die sonde in die mens waarmee jy gebore is en wat jou as kind van God so teen jou sin laat sondig.

Die weg tot die vervulling met die Heilige Gees

Soos reeds al oor en oor gesê is moet die kind van God ’n rein hart hê voordat hy vervuld (volgemaak) kan word met die Heilige Gees. Ons vergifnis van sonde te ontvang het die sondaar as ’n verlorene sy sondeskuld na God toe gebring, en op grond van Jesus se versoeningswerk gepleit vir vergifnis en die ewige persoonlike Saligmaker ontvang.

Om ’n rein hart te verkry, kos nie net jou sondes nie maar hele hart, ja jou hele self. Dit bedoel daardie “EIE EK” wat jou lewe bestuur volgens die wil van die Satan, wat elke mens se wil van geboorte af geword het. Daardie “EIE EK” of die “SELF LEWE”, die Bybel noem dit by verskillende name wat so lekker kry in jou as iemand jou prys; wat so seer kry as iemand iets van jou sê wat jou nie aanstaan nie; wat maak dat jy jou humeur as gou verloor; wat so streef na eer; wat so graag foute van andere op die lappe bring; wat gedurig andere kritiseer, afgunstig, jaloers, trots, ens. is, moet deur die geloof aan die Here oorgegee word, om doodgemaak te word want dis iets van die duiwel wat leef in jou. Solank as wat dit in jou lewe is, sal die here nooit met Sy heerlike volheid in jou kom woon nie, want God sê Hy is ’n jaloerse God. Eks 20:5. Jesus sê, Hy of Satan, maar nie altwee nie, 2 Kor 6:14-16.

Om uself aan die Here oor te gee, of soos baie dit noem, ALLES OP DIE ALTAAR te sit baat niks as u nie die geloof het dat die Bloed deur die werking van die Heilige Gees u hart VOLKOME kan reinig van ALLE SONDE nie. 1 Joh 1:7. Israel moes geloof hê dat God hulle in Kanaan sou inlei en bewaar teen al die magtige nasies, al het hulle soos sprinkane in die nasies se oë gekyk. Ons sien dat die wat nie gegelo het nie, het in woestyn gesterwe. So moet u voordat u die stap neem, glo dat die Here u VOLKOME KAN REINIG, anders help alles niks. Heb 11:6, en die gevolg sal wees dat u sal glo u het iets waarvan u die ondervinding nooit sal kry nie.

Die eerste stap dan: u bereken die prys, Luk 14:27-30. Sien u kans om die Here Jesus te volg war Hy u mag lei? OM waar nodig van u vriende of diebares prys te gee? Om misverstaan en vals beskuldig tw ord? Om terwille van die waarheid gehaat te word? Om te breek met elke boesemsonde of gewwonte waarvan die Heilige Gees u mag oortuig? U sê ja, kaom dan en gee u onvoorwaardelike aan die Here oor net soos u is met u swakhede en gebreke sowel as met u talente.

Deur die onverdeelde oorgawe vereenselwig u uself met die dood van Jesus aan die Kruis. Om ALLES oor te gee beteken dat u GEE DIE HERE NOU DIE REG OM ALLES IN U DOOD TE MAAK WAT NIE UIT GOD IS NIE, en dat Jesus voortaan ALLES in u lewe sal wees, dat u eerste en grootste liefde SYNE sal wees. Dat u Hom die EERSTE PLEK gee bo u dierbares, u besitting en u toekoms ideale.

As u ALLES OORGEGEE het GLO dat die Here hierdie offer aangeneem het, want net wat die mens gee, neem Hy. Dank Hom dat waar u uself aam Hom oorgegee het, HY U HART NOU REINIG. Hy is getrou en sodra die oorgawe met ’n onverdeelde hart gedoen is, doen die Heilige Gees deur die toepassing van die Bloed die werk onmiddelik. Dis alles ’n GELOOFSAAK. Vra nou met die GELOOF dat u hart rein is, dat Hy u rein hart moet vervul met Sy Heilige Gees. GLO HY DOEN DIT DADELIK en dank Hom daarvoor AL VOEL U NIKS.

Hier is nou ’n gevaar waar die duiwel baie welnemende ernstige soekers na die voleid, laat skipbreuk ly. As u by die punt kom om die Here te dank dat Hy u rein hart gevul het met Sy Heilige Gees dan is die Base dadelik by om te sê: “die Here het dit nie gedoen nie, want jy voel dan niks”. Moet tog nie daarduer afgeskirk word nie. Die Here werk NIE DEUR GEVOEL nie, maar deur geloof. Sodra ALLES in orde is sal u ’n ondervinding hê wat u nooit sal vergeet nie.

Dit gaan met hierdie genadewerk soos met iemand wat ’n huis gekoop het en wat dit nou in besit neem. Eers moet die vorige eienaar uittrek met AL sy goed, dan maak die nuwe eienaar die huis skoon, en as dit skoon is, bring hy sy meubels in, sit dit soos hy dit wil hê, daarna kom hy hom vestig en woon dan daarin as sy eie woning.

As u voor God weet dat u eerlik gehandel het, hou dan aan om Hom te dank dat Hy u vervul HET met SY Heilige Gees totdat u die ondervinding kry. Laat die Bose influister wat hy wil.

Voordat u die ondervinding kry, sal die getroue, Heilige Gees u miskien oortuig van sonde in u lewe soos, jaloesie, afguns, eer, twyfel, kritiek, ens. Moenie met die Heilige Gees redeneer nie, bely dit en vra dat Hy u daarvan moet reinig. Hy sal u miskien oortuig van ’n misdaad aan ’n medemens gedoen. Al kos vernedering of wat ookal, gaan maak dit reg. Elke vernedering deur die Here oor u gebring, meen ’n verhoging deur Hom. Sodra u bely en reggemaak he wat u van oortuig geword het, kom die ondervinding dat die Heilige Gees u hart vervul. O, wat ’n voorreg vreugde en genot om die ondervinding te hê dat Jesus, die Seun van God self, die Vader deur die werkinge van die Heilige Gees in u hart kom woon. Joh 14:23.

Wat is die ondervinding

U sal nou vra watter ondervinding u moet verwag. Wees tog net gewaarsku dat u nie die Here voorskryf watter ondervinding u wil hê nie. Hy wat ons karakters ken, werk met elkeen op sy eie manier en laat Hom nie beperk nie. 1 Kor 12:7-11.

Party mense kry die ondervinding deur ’n heerlike vreugdesinstroming en baie gemoeds-aandoenings. Andere kry dit deur ’n ongekende diepe stille rus en vrede in die gemoed. ’n Ander kry dit deur ’n ondervinding van oorwinning oor versoekings wat vroeër ongekend was. Ander weer, kry dit deur krag in sy getuienis of arbeid sodat mense tot bekering kom. Nag ander kry dit deur ’n openbaring van Jesus in ’n gesig of ’n droom. So kan u sien dat daar baie maniere is waaop u die onderviinding kan kry. Een ding kan ons u verseker dat as die Heilige Gees u hart vervul het, SAL JY DIT WEET.

Die weg van heiligmaking

1 Thes 4:3 “Dit is die wil van God julle heiligmaking”. Soos ons reeds in die begin gesien het wil God hê dat ons hele lewenswandel moet heilig wees, 1 Pet 1:15, 16. U kan nie ’n heilige lewe lei as u nie vervuld is met die Heilige Gees nie. Heiligmaking is NIE iets wat u kan aanneem en in ’n oomblik ontvang nie. Dis ’n lewenslange werking wat deur die Heilige Gees gedoen word aan die siel van hom en haar wat die krisispunt van Rom 7:24 bereik het, en wat deur ’n geloofsvereenselwiging met die dood en opstanding van Jesus, ’n rein hart ontvang het en vervuld geword is met die Heilige Gees. Vanaf die oomblik dat u die ondervinding kry dat u vervuld is met die Heilige Gees, werk die Heilige Gees vry in u om u aan die beeld van Jesus gelykvormig te maak. Dit is heiligmaking. Dit beteken om ’n afgesondere lewe vir God te lei, afgesonder van sode en die wêreld.

’n Afgesonderde of gegheilige lewe beteken om daagliks so aan die Heilige Gees oorgegee te wees, om u lewe so volkome aan Hom toe te vertrou, en om ALLES wat Hy sê gehoorsaam te wees, sodat hy ongehinderd die gesindheid en lewe van Jesus deur u lewe kan openbaar.

’n Beeldhouer wat besig is om uit die nuwe rots die beeld van ’n engel te kap, laat ons dink aan wat die weg van heiligmaking is. Hy kan nie met een hamerslag daar ’n engel uitslaan nie, maar neem sy tyd en dit met verskillende soorte gereedskap. Eers ’n groot hamer, dan kleiners, later ’n baie ligte hamertjie met ’n byteltjie, dan growwe skuurpapier en eindelik fyner skuurpapier. Na maande van versigtig werk, sien ons daar staan die pragtige beeld van ’n engel.

So neem die Heilige Gees tyd u lewenslank, om, namate u u oorgee aan Sy wil, die beeld van Jesus in u uit te werk. Die gevolg van heiligmaking is dat as Jesus verskyn, sal die geheilige aan Hom gelyk wees. 1 Joh 3:2. Die aardse dop sal afval en die hemelse vorm sal tevoorskyn kom en daarmee sal u die heerlike ewigheid ingaan om vir altyd by Jesus te wees.

Vrae ?

Indien jy enige verdere navrae het en/of iets meer wil uitvind, tree asseblief hieronder in verbinding.

Bid vir my ?

Bid asseblief vir my?

deur J.A. Saunders

Vir elke mens is dit van die grootste belang om gered te word van die sonde. Om die leser te help, noem ons hier sewe vereistes om gered te word en die geluk daarvan te ondervind:

1. Sondebesef

Om gered te word moet ’n mens in die eerste plek besef dat jy nie gered is nie, met ander woorde dat jy verlore is. Daar is baie mense wat meen dat hulle christene is omdat hulle uit ’n christelike familie kom; andere meen weer dat hulle met die doop, herdoop of aanneming gered is; sommige maak weer daarop staat dat hulle baie godsdienstig is, die Bybel gereeld lees, kerk toe gaan, miskien op die kerkraad dien of self predikant is. Hierdie opvattings is in stryd met Gods woord sowel as met die Gereformeerde leer.

Die Woord van God en die formuliere leer dat die mens in sy natuurlike staat geheel-en-al doemwaardig is en dat hy sy saligheid buite homself moet vind: “Almal het gesondig en dit ontbreek hulle aan die heerlikheid van God”. Rom 3:23. “Kyk in ongeregtigheid is ek gebore, en in sonde het my moeder my ontvang”. Ps 51:7. “Kan ’n reine voorkom uit ’n onriene?”. Job 14:4. “Ons almal het gedwaal soos skape …” Jes 53:6.

2. Bekering

U moet uit u verlore toestand na Jesus kom.

“O almal wat dors het kom…”. Jes 55: 1. “Kom nou en laat ons die saak uitmaak…” Jes 1:18. “laat hom wat dors het kom…” Open 22:17.

3. Geloof

U moet Jesus aanneem as u persoonlike Saligmaker. Die hele Christendom ken Jesus as die Saligmaker van die wêreld, maar ken u Hom as u persoonlike Saligmaker?. In Joh 10:27 en 28 bied Jesus u die ewige lewe aan: “My skape luister na my stem en Ek ken hulle, en hulle volg My en Ek gee hulle die ewige lewe…”. In Joh 1:12 sê Jesus dat hy “aan almal wat Hom aangeneem het, mag gee om kinders van God te word”. Let daarop dat Jesus die saligheid aanbied en dat ons dit moet aanneem.

Kan u sien dat redding nie iets is wat u van God hoef af te smeek nie? U moet dit eenvoudig neem. As iemand u ’n geskenk aanbied hoef u nie nog daarom te vra nie, nee, u neem dit aan. Net so gee Jesus en u neem.

4. Sondebelydenis

Voordat u die saligheid kan neem, is daar egter ’n belangrike saak wat afgehandel moet word. U is, soos reeds gesê, in sonde ontvang en gebore. Die Geestelike hand waarmee u moet neem, is nog vol sonde waaraan ons nog vashou, met die gevolg dat u nie die saligheid daarmee kan neem nie. Baie mense probeer om God met die een hand te dien en met die ander een die sonde vas te hou. Dit baat niks nie en Jesus het teen hierdie dubbelhartigheid gewaarsku. U moet dus verlos word van die sondige toestand waarin u nog lewe. God se weg daartoe is deur belydenis van u sonde.

In Joh 3 sien ons hoe die Here Jesus deur die geskiedenis van die koperslang vir Nikodemus gewys het dat Hy die sonde van die wêreld op Hom geneem het en in Jes 53:6 word gesê dat God die ongeregtiheid van almal op Hom laat neerkom het. U moet dus u sonde en verlorenheid in Jesus aan die kruis sien en van u sondelas ontslae raak by die kruis.

Wanneer u u verlore toestand in opregtheid en met berou na God toe bring, word u sondes gereinig deur die bloed van die Lam. Dit moet u aanvaar en glo en dan sal u verlossing ontvang.

Lees nou die volgende tekse sorgvuldig in u Bybel. Die duiwel sal probeer om u te mislei, maar hy is ’n leuenaar (Joh 8:44). U moet God glo:

• Hy verwyder jou sondes sover as die ooste van die weste af is. (Ps 103:12). Dit is ’n onmeetlike afstand - u kan oos en wes nooit bymekaar kry nie.
• Wanneer Hy jou sondes vergewe het, dink Hy nooit weer daaraan nie. (Jer 31:34). Dit is meer as wat die mens kan doen. Ons kan vergewe, maar nie vergeet nie. God doen albei.
• Hy bedek jou sondes. (Ps 32:1).
• Hy werp dit in die diepte van die see. (Miga 7:19).
• Hy werp dit agter sy rug. (Jes 38:17).
• Hy reken jou die sonde nie toe nie. (2Kor 5:19).
  Deur hierdie tekse gelowig te lees, behoort u nou te aanvaar dat God u sondes en verlorenheid vergewe het en kom u nou by die volgende stap.

5. Versekering

God laat ’n mens nie in onsekerheid oor sy saligheid nie. Die wyse Salomo sê dat die goddelose nie weet waarheen hy gaan nie, maar die kind van God weet wel dat hy gered is en op pad hemel toe is.

Lees nou die volgende tekse biddend en gelowig deur:

• U kan weet dat u gered is. (1Joh 5:12,13).
• Die Gees self getuig saam met ons gees. (Rom 8:16).
• Ons het die mag om kinders van God genoem te word (Joh 1:12; 1Joh 3:1,2; Joh 5:24). Lees verder die eerste sendbrief van Johannes in sy geheel deur. In die 5 kort hoofstukke word herhaaldelik gepraat oor sekerheid. Let op hoe dikwels die woorde: “ons weet” daarin voorkom.

6. Getuienis

As u nou die sekerheid het dat u gered is, moet u sonder versuim daarvan getuig. (Sien hier onder vir jou eerste geleentheid). Vir sommige is dit moeilik, maar gewoonlik is die stryd na die eerste getuienis wat u afgelê het verby en u sal ’n ongekende vreugde ontvang.

God beveel u in sy Woord om te getuig. Aan Legio het Jesus gesê: “Gaan terug na jou huis en vertel watter groot dinge God aan jou gedoen het…” Luk 8:39. Paulus sê in Rom 10:9,10 dat ons die Here Jesus met ons mond moet bely en in Ps 66:16 sê die psalmis dat almal moet kom luister as hy vertel van watter groot dinge die Here aan sy siel gedoen het. Kinders van God mag nie skaam wees om vir die Here te getuig nie.

7. Bybelstudie en Diens

U het nou ’n nuwe lewe en u sal nuwe vriende maak, ’n nuwe pad bewandel en nuwe leesstof aanskaf. Onthou, as u geestelik gesond wil wees en wil toeneem in die genade, sal u goeie geestelike voedsel moet kry. Gee reg van die begin af die regte plek aan die Woord van God. Lees en bestudeer dit. Daardeur sal u geloof versterk word. (Rom 10:17). Deur drie hoofstukke per dag te te lees en vier hoofstukke elke Sondag, lees u die Bybel eenkeer per jaar deur. Dit sal u siel verryk en u geloof versterk.

As u hierdie stappe geneem het, sal die duiwel probeer om u met lis te vang. Moenie ontmoedig wees as u struikel nie, want ons het die onfeilbare belofte van God in sy Woord: “… as iemand gesondig het, ons het ’n Voorspraak by die Vader. Jesus Christus, die Regverdige”. (1Joh 2:1).

GAAN VOORT IN SY NAAM!

Ek het Christus as my Verlosser aangeneem en wil my eerste getuienis gee. Of ek wil graag iets bespreek.

Hier is ’n paar pratiese hulpmiddels wat gebruik kan word om die taak te vergemaklik.

’n Praktiese metode, vertrou Jesus

Hierdie metode is seker die maklikste om te onthou en maak volkome staat op die Heilige Gees vir krag en die oortuigswerk. Ons moet net bereid wees om op Hom te vertrou en dan die opdrag uit te voer.

“Way of the master” - sonde besef.

Die “Way of the Master” is ’n baie bekende metode en was al by baie gemeentes aangebied. Hier is ’n verfrisser vir diegene wat al blootgestel was aan die program.

"Dink jy, jy is 'n goeie persoon?"  
"Het jy al..."

1. Gelieg - ’n leuenaar.
2. Gesteel - ’n dief.
3. Jesus of God se naam ydelik te gebruik - Godslastering.
4. Het jy al na iemand gekyk met begeerte - egbreker.

Jy het dus self erken dat jy ’n leuenaar, dief, egbreker en godslateraar is. Volgens die wet is jy ’n sondaar en verdien die ewige dood, die hel. Gaan nou oor na die evangelie…

Die video is ’n goeie kort samevatting.

Kinderevangelie

Ons gebruik 5 kleure wat die volgende verteenwoordig:

1. Goud - God en die hemel
   God het alles gemaak en wil hê dat die mens hemel toe gaan.
2. Swart - Donker hart
   Die mens het sonde gedoen, en sonde skei ons van God en die hemel.
3. Rooi - Die kruis
   Jesus betaal vir ons sonde aan die kruis. Die prys vir sonde is bloed.
4. Wit - Skoon hart
   Die bloed was ons skoon. En nou gaan ons weer hemel toe.
5. Groen - Geestelike groei
   Net soos kinders en plante groei, moet ons ook in Jesus groei. Ons bid, lees Bybel en gaan kerk toe om van Jesus te leer.

JAM gee goeie praktiese toepassings en mooi bespreking vir elke kleur.

Delicium (Latyn) meaning: “activity done for enjoyment in spare time”

En hy antwoord daarop dít: Moet ek dan nie sorgvuldig alles spreek wat die HERE in my mond lê nie?
And he answered and said, Must I not take heed to speak that which the LORD hath put in my mouth?
—Num 23:12

Kontak details:
Bruce Botes openbaring37@gmail.com

of stuur rig jou versoek hier…

Laai die kontroleerder

As die program van die stokkie gelaai word sal die webbladsy outomaties oopmaak as dit begin. Anders as dit van die web gelaai word, kies die Klank Toep/App.

ps. Die skakel sal so iets wees. https://……../klank/

Teken in

Daar moet ingeteken word om te begin. As jy nie ’n bestaande gebruiker is nie kan jy die Google of Github skakel volg.

Die stokkie gebruiker sal die gebruiker/wagwoord kan gebruik. User: klank@egk.co.za en Password: knk

Dit is belangrik om toegang tot die gebruik van die mikrofoon toe te laat

Die kontroleerder

Die kontrolleer sal dan so lyk. Open die “menu” aan die linkerkant vir beheer.

Open die projektor in ’n nuwe webbladsy

Gebruik die “Open ’n Projektor” opsie en klik om ’n nuwe webbladsy te open. Dit kan na die projektor se skerm getrek word en daar vergroot word (100% zoom).

Om te zoom:

• F11 vir Windows of
• ^F en “Command” op Apple

Tipiese projektor agtergrond beeld

Normale prosedure vir die gebruik van die kontroleerder tydens ’n diens.

1. Kies agtergrond beeld en musiek.

Aksie:

1. Klik op “Menu” om linker menu te kry.

2. Klik op “Kies Musiek (Agtergrond)” om ’n lys van beskikbare keuses te kry.

3. Kies ’n bundel om te speel - In die geval “Bundel-1”

4. Die agtergrond musiek sal dadelik begin speel. Die musiekitem sal tussen die twee “I” …….. “I” verskyn.

5. Om die agtergrond musiek te stop en/of weer te speel, toggle die icon tussen ">" en “II”.

Op dieselde basis kan ’n agtergrond prentjie gekies word.

Kies ’n prentjie om by tema te pas. ie Kersfees, Kinderdiens.

2. Gebruik ’n vooraf opgestelde program om tydens die diens te speel

Vanaf die linkerkantse menu kies ’n program

1. Open menu
2. Kies Erediens Program
3. Vanaf die lys soek en kies verlange program/agenda vir die diens.
   

2.1 Gebruik van die kontroleerder vir die prgram, agtergrond en om opnames te beheer.

Beskrywing van die aksies:

1. Projekteer program op die bord/skerm. Neem kennis dat eerste liedjie alreeds gespeel en die status ‘gemerk’ is. Ps. by die nuwer weergawe van die program, sal die alreeds gespeelde liedjies van die lys verwyder word

   

2. Verwyder program vanaf die bord/skerm - net die agtergrond word vertoon.

3. Herstel (“clear”) status van gespeelde items. Sien “1” om van verandering op bord/skerm aan te bring soos in hierdie geval.

Neem kennis item “1” is nou weer skoon. Daar is nie ’n “tick” langs die liedjie nie.

4. Aksie 4 gee die operatuur die geleentheid om vinnig die program/agenda te verander. Soos byvoorbeeld die skriflesing.

   • Verwys asseblief na die gedeelte wat die skep van ’n nuwe program bespreek. Die funsionaliteit vir die edit en skep van ’n nuwe program is presies dieselfde.

5. “Pause/Play toggle” agtergrond musiek.

6. Aksie 6 is vir die opname van die boodskap. Klik om opname te begin. Ps. Die opname het ook ’n “Pause/Record toggle” soos met die agtergrond musiek. Die opname sal ook outomaties stop en later weer voortgaan wanneer liedjies gespeel word. Dit vermy dus musiek in die opnames en hou die opnames kort.

7. By die afsluit van die boodskap kan die opname gestop word. Die boodskap word afgelaai na die hardeskuif. Die opname sal na die “downloads folder” gebêre word. Die datum word in die teks geplaas. Al wat nodig is om dit teks aantevul met oggend/aand, ds se naam en teks. Dit is goeie praktyd om elke onderwerp te skei met ’n “-”.

Die speel van die ander items tydens die erediens:

A. Liedjies

1. “Play/Pause” toggle - Speel en stop liedjie
2. “X Exit” - Eindig die speel van die liedjie en maak prentjie toe. Spring terug na die program en merk die item as gespeel. Sien pers band hieronder

B. Geloofsbelydenis

1. “Click” - Projekteer paragraaf na die bord/skerm.
2. “X Exit” - Eindig die projeksie van Geloofsbelydenis en maak prentjie toe. Spring terug na die program en merk die item as gespeel.

C. Skrif

1. Tik skrif verwysing. Die teks sal onder verskyn soos aangetoon. Gewoonlik is net die 3 eerste letters nodig soos bv efe vir Efesiërs, joh vir Johannes, 1jo vir 1 Johannes, 1kr vir 1 Kronieke, ens. Partykeer vier soos klaag vir Klaagliedere van Jeremia.
2. “Click” - Projekteer teks na projektor, Eph 5:1 en Eph 5:2 was alreeds geprojekteer en is dus pers gemerk
3. “X Exit” - Eindig die projeksie van Skrig en maak prentjie toe. Spring terug na die program en merk die item as gespeel.

D. Versteekte of verskuilde items

Items wat nie op die bord of skerm vertoon nie lyk soos volg.

Dit is wel toeganklik vir die klank operateur om dit ter enige tyd te kan speel - soos in die geval is seën liedjie beskikbaar op spesiale se versoek. Klik daarop en dit kan gespeel word.

Hoe om ’n erediens program op te stel en/of te verander

1. Klik op “Menu”

2. Klik op “Skep ’n nuwe program” ie erediens program om in die toekoms te kan speel
   Kies die liedjies vanaf die linkerkant en trek (dnd - drag and drop)dit oor na die regterkant om sodoende die nuwe erediens program saam te stel. En wanneer dit goed en klaar is:

3. Kilk op “Save” om die nuwe erediens program ’n naam te gee en te liaseer saam met al die ander erediens programme.

• 1. Gee die program ’n naam. Ps. As die naam alreads bestaan dan sal die vorige program vervang word deur dié nuwe,
  2. Kort beskrywing
  3. En klik “OK” om te save.

Edit die erediens program aan die regterkant.

• Trek die blokke op of af om die volgorde te rangskik

• Klik op “V” om die blok te edit. Die blok sal oopmaak en daar is drie aksies. Edit die teks, verskuil die blok en/of delete die blok.

• Edit die blok

  • 

  • 1. Klik in die blokkie om die teks te verander.
    2. Klik op die ikon om die blok weg te steek wanneer die program op die bord/skerm geplaas word. Ps dit is ’n “toggle” aksie wat sal wissel met die blok se ikon. Maw dit sal afwissel tussen wegsteek of nie.
    3. Klik op"X" om die blok te delete. NB Neem kennis die aksie delete die blok onmiddelik.
    4. Klik op “^” om die aksies weer toe te maak. Dit maak dit net makliker om die ander blokke te sien.

Die Bybel is baie duidelik daaroor dat die mens se morele waardes al hoe slegter sal word. Die meeste se liefde vir die Here sal verflou. Dit is die lou tydperk (Laodicense - Openbaring 3). Dit gaan gebeur voordat die Anti-chris geopenbaar kan word en ‘vrede’ - ‘vrede’ proklameer.

Maar wat beteken dit vir die Christen. Hier is ’n paar boodskappe wat hoop bring vir die gereddene, ten spyte van die moeilike tye. Ons God is en bly in beheer en beloof sy Beskerming vir elkeen van sy kinders.

• Jer 45: Barug die moedelose boodskapper. Woodford Kotzè.

• Wat moet ek doen om gered te word? Dr Soon Zevenster.
  Elke persoon het ’n verantwoordelikheid teenoor God vir redding.
  Wat moet ek doen? Wat moet ek nie doen nie!
  Ons fokus hier op die tiende boodskap van ’n reeks dienste.
  Kyk gerus wat Hoesa46Video aanbied.

• Wat moet ek glo om gered te word? Riekert Botha
  Jesus is die enigste en die HERE!
  Jesus is die ‘Kurios’

Vanaf die linkerkant (“menu”) kies “Admin” en dan “Edit Liedjie/Verstel tyd”.

’n Lys van al die liedjies verskyn in ’n nuwe bladsy. Die liedjies kan gekies word om na te luisteer, te edit en ook om nuwes te laai. Kies “Laai ’n nuwe Liedjie”.

’n Nuwe bladsy sal dan oopmaak met die uitsluitlike doel om ’n nuwe liedjie te laai. Die program sal .mp3, .mp4a, .wav, .ogg en andere laai. Verkieslik moet .wav nie gelaai word nie omdat die formaat baie groot is en baie maklik verwerk kan word na mp3, ens. mp3 is die mees algemene vir ’n baie goeie rede.

Kies die liedjie vanaf “Choose file”. Gee dit ’n naam en dit sal help om ’n verwysing te gee. As die liedjie se woorde beskikbaar is kan dit ook in gesit word. Die inligting kan later verander word - veral die woorde van die liedjie.

Voorbeeld van ’n keuse voordat dit gelaai word.

En dit is hoe dit lyk nadat die liedjie gelaai is. Die belangrikste om te onthou is dat die musiek (ie mp3) opgelaai is na die web program. Die woorde en die tydsverstellings kan na die tyd gemaak word.

Edit die gelaaide liedjie.

Die entdoel is om die woorde van die liedjie by die musiek te pas en te sinchroniseer. En dan beskikbaar te maak om te speel. Dws ons moet die status verander na speelbaar.

Die volgende twee skufies wys hoe dit lyk as ’n liedjie klaar voorberei is en speelbaar gemaak is.

Die detail aan die bokant.

Laai inligting wat relevant is om dit maklik op te spoor vanaf die klankkontrolleerder. Die liedjie word ’n nommer toegeken wanneer dit gelaai word. Die nommer is gewoolik van beang vir operateur van die kontrolleerder, veral met die opstel van ’n erediens program.

Voeg verwysings na die oorspong en/of daar samesang is. Baie liedjies ( veral die van die oueres) het net musiek. ie die klavier en orel tipes.

Wanneer die woorde bygevoeg en tyd-sinchroniseer is lyk dit as volg. Die woorde is opgebreek “woordeblokke” sodat dit op die projektorskerm sal pas (ongeveer 40 letters by 8 rye). Die grote van die blok word linksonder aangedui. Elke blok het ’n begin tyd.

Die “woordeblok”

Die woordeblok se tyd word geset aan die linkerkant. Klik die knoppie om die begin tyd te set terwyl die musiek speel.
Nuwe blokke word aan die regtekant bygevoeg.
Hierdie speifieke blok het 43 letters dwars. Drie meer as die geskatte wydte. Dus sal dit miskien oordra na die volgend ry op die skerm. Daar is 6 rye - sien links onder

Verstel begintye van die blokke.

1. Speel die musiek.
2. Die tyd begin tik….
3. As die tyd, in die geval 18.4 sekondes, groter as die blok se begin tyd is: 3.3 sekondes. Dan sal …
4. Die blok grys vertoon.

As die “Set” knoppie gedruk word sal die begin tyd by 3 gelyk aan 2 geset word. Dit is maklik.

**EN ONTHOU OM “Update” GEREELD TE DOEN.

En geniet dit.

As die “Project to Projector” knoppie gedruk word kan die werklike speel op die ‘ander’ skerm waargeneem word.